Иако климите и вентилаторите се најчест избор во летните горештини, телото има свои природни „ладилници“ – импулсните точки. Тие се места каде што крвните садови се најблиску до кожата, па ладењето токму таму помага побрзо да се намали телесната температура.
Клучни пулсни точки за разладување се:
- рачен и скочен зглоб
- внатрешна страна на колената
- внатрешна страна на бутовите
- препони
- подлактица (внатрешна страна на лакотниот зглоб)
- врат
- слепоочници
Ладењето на овие делови со студена вода или ладен компрес ја спушта температурата на крвта, а со тоа и на целото тело. Сепак, не се препорачува овие места постојано да бидат изложени на мраз или екстремна студеност.
Видот на активноста ја одредува и најдобрата точка за ладење:
- Ако вежбате на топло, фокусирајте се на зглобовите на лактот и вратот.
- Ако сте во затворен и прегреан простор, ладете ги стапалата, зглобовите, колената и бутовите.
Правилното користење на овие „ладни точки“ може да биде ефикасна, здрава и едноставна замена или надополнување за климатизерите во жешките летни денови.
