Променливо облачно време со дожд и јужен ветер, температурите во пораст Текст: Денеска во Македонија времето ќе биде нестабилно, со променлива облачност и повремени локални врнежи од дожд. Ќе дува умерен, а на одредени места и засилен ветер од јужен правец. Утринските температури ќе се движат меѓу 2 и 7 степени, додека дневните ќе се искачат од 8 до 15 степени Целзиусови.
Во Скопје се очекува променливо облачно време со можност за повремен дожд. Ќе дува умерен до засилен јужен ветер. Минималната температура ќе изнесува околу 2 степени, а максималната ќе достигне до 10 степени. Во наредните денови, под влијание на циклонска активност, ќе преовладува променливо облачно и потопло време, со повремени локални врнежи. Поинтензивни врнежи од дожд се најавуваат кон средината на следната седмица. Ветерот ќе биде умерен до засилен од јужен правец, а температурите ќе продолжат да растат, особено утринските, кои насекаде ќе бидат над нулата.
