Надворешната канцеларија за криминалистички работи во Делчево поднесе кривична пријава против С.С., поранешен директор на ЈКП „Брегалница“ – Делчево, поради сомнение за „злоупотреба на службената положба и овластување“ и „несовесно работење во службата“.
Пријавениот, во периодот од декември 2023 до април 2024 година, како службено лице, не го почитувал општиот Колективен договор за јавниот сектор и Законот за работни односи. Тој не им исплатил по 3.500 денари на 76 вработени, со што ги оштетил со вкупна сума од 266.000 денари.
Случајот е предаден на надлежните органи, кои ќе продолжат со постапката за утврдување на одговорноста на поранешниот директор.
