Трагедија го потресе грчкиот остров Закинтос, каде семеен питбул усмрти 18-месечно бебе во дворот од семејната куќа, јавува „Прототема“.
Според првичните информации, детето штотуку се вратило од шопинг со родителите и останало накратко само во дворот, кога кучето одеднаш го нападнало од непознати причини.
Родителите веднаш ги повикале итните служби и детето било пренесено во болница, но лекарите не успеале да го спасат. Таткото е од албанско потекло, мајката е Британка, и семејството долго време живеело на островот. Локалната заедница е во шок, а властите започнаа истрага за околностите на нападот. Родителите се приведени.
