Кога ќе дојде летото и плажите се полни со луѓе, најчесто стравуваме од ајкули. Но, според историчарот Тимоти Ц. Вајнгард, вистинскиот непријател број еден на човештвото е многу помал – комарецот.
„Тоа е убиецот број еден во историјата на човештвото“, вели Вајнгард, нагласувајќи дека овој инсект е причина за повеќе од еден милион смртни случаи секоја година, пренесувајќи болести како маларија, вирусот Зика, хеморагична треска, вирусот чикунгуња и Западен Нил.
Маларијата и хеморагичните трески, според него, влијаеле врз текот на историјата – од античките времиња до денес. Во интервју за д-р Санџај Гупта во подкастот Chasing Life, Вајнгард објасни како секој може да се заштити и даде пет клучни совети:
- Избегнувајте алкохол – го зголемува метаболизмот и телесната температура, правејќи ве полесна цел за комарците. Наместо пиво, изберете вода или лимонада.
- Останете свежи – комарците се привлечени од јаглерод диоксид и топлина. Носете светла и покриена облека, особено по физичка активност.
- Користете ефикасни репеленти – покријте го целото тело, вклучително и заборавените делови како задниот дел на нозете. За природна заштита, пробајте масло од еукалиптус и лимон.
- Отстранете ја застојаната вода – комарците несат јајца во најмали количества мирна вода, па редовно чистете го дворот, градината и околината.
- Одржувајте ги нозете чисти – бактериите на стапалата, слични на оние во сирењето, се вистински афродизијак за комарците. Избегнувајте силни парфеми, но редовно мијте ги стапалата.
Дополнително, Вајнгард разби и еден мит – комарците не напаѓаат според пол, боја на кожа или коса, но луѓето со крвна група 0 се каснувани двапати почесто од оние со група А, додека групата Б е во средина.
Со овие мерки, ризикот од каснување и пренесување на болести може значително да се намали, дури и во најжешките летни денови.
