Министерот за внатрешни работи Панче Тошковски соопшти што е запленето во синоќешната полициска акција што беше спроведена во Чаир, Арачиново, Шуто Оризари, Бутел и Студеничани. Тошковски рече дека продолжуваат рациите за уништување на групата, додека во моментов има 18 осомничени.
„Уништена е организираната криминална група од 18 лица, составена од скопјани, кои подолго време биле инволвирани во извршување на кривични дела тежок насилен криминал и нелегална трговија со оружје. Извршени се рации на 24 лица, на вкупно 30 локации, од кои 28 во Скопско и 2 во Велешко“.
„По рациите, во моментов е пронајдено огнено оружје, алат поврзан со истото, панцири, а досега се пронајдени над 13 милиони денари во различни валути. Од пријавените се одземени 5 возила, накит и најголема количина злато, 9 телефони, 5 сим картички, држачи за истите, 12 рачни часовници, ресивери и слично… кои се подигнати и ќе бидат предмет на вештачење“, рече Тошковски.
Неколкумесечната предистражна постапка што ја спроведе јавен обвинител при Истражниот центар на Основното јавно обвинителство за гонење организиран криминал и корупција и Министерството за внатрешни работи, вчера вечерта резултираше со акција во која беше разбиена криминална група, што е извршено заедно со полициски службеници на МВР во регионот на општините Чаир, Арачиново, Шуто Оризаре, Бутел и Студеничан.
По барање на јавен обвинител и врз основа на наредба на судија на претходна постапка од Основниот кривичен суд Скопје, до утрово биле извршени рации на 30 локации и поголема сума пари, злато, огнено оружје и пронајдени се и други предмети, четири лица се приведени, додека едно лице штотуку се појавило во полициска станица. Единици на МВР и армијата работат на повеќе локации за пронаоѓање на доказни материјали и предмети кои ќе помогнат во расветлување на случајот.
