Во страшниот пожар што избувна во дискотеката „Пулс“ во Кочани, животот го загубија 59 лица, меѓу кои и фронтменот на популарната група ДНК, Андреј Ѓорѓиески. Меѓу загинатите се и останатите членови на бендот, додека единствените преживеани се Владимир Блажев – Панчо, пратеничкиот вокал Ана Костадиновска и гитаристот Горан Тонев.
Несреќата предизвика шок и тага низ целата земја, а медиумите постојано емитуваат снимки од последните интервјуа на групата. Во едно од нив, членовите на ДНК зборуваат за создавањето на нивната песна „Ако утре ме нема“, која сега добива уште подлабоко значење.
Во емотивната изјава во емисијата „Еден на еден“, Панчо открива дека инспирацијата за песната ја нашол во животните предизвици и дека долго време чекале вистински момент за нејзиното објавување. „Не сакавме да направиме нешто што ќе биде кич или шунт. Самата мелодија и целата идеја беа внимателно осмислени за да звучат автентично и искрено“, изјави Панчо.
Фановите и пријателите на бендот се во шок по трагичната загуба, а социјалните мрежи се преплавени со пораки на сочувство и поддршка за семејствата на загинатите.
