Овој викенд, Охрид ќе биде центар на младинската енергија, знаење и инспирација — ќе се одржи Втората Интердисциплинарна студентска конференција, во организација на Универзитетското студентско собрание на УКИМ.
Настанот ќе опфати 14 едукативни работилници, две панел-дискусии и една тематска забава.
Работилниците ќе обработуваат теми од различни области — економија, технологија, здравје, општество и личен развој. Темите се следниве:
1. Долгорочни и краткорочни цели низ менаџмент на времето
2. Сексуална и менструална едукација
3. Mojoт политички компас
4. Квалитет наспроти цена при купување на прехранбени производи
5. Еден договор, две перспективи — како продажниот и инженерскиот тим заедно градат успешна соработка со клиентот
6. Како да изградите интересна приказна и успешно да се претставите себеси
7. Младите и финансиската независност: Основи на инвестирање и штедење
8. Од првата плата до првата пензија — инвестирај во својата иднина денес
9. Квантни компјутери и колку сме далеку од нив?
10. Јазикот на протестот
11. Вештачка интелигенција во финансискиот сектор: Како алгоритмите ја подобруваат банкарската ефикасност
12. Критика на филм
13. Саундтрак на победата: мотивацијата во спортот преку музиката
14. Како здравите навики влијаат на квалитетот на животот
Во рамки на конференцијата ќе се одржат и две панел-дискусии на актуелни теми:
• Панел 1: Природно или совршено — што избираме?
• Панел 2: Бесконечен раст на конечна планета — дали сме жртви на сопствената алчност?
Настанот има за цел да поттикне критичко размислување, интердисциплинарен пристап и активно вклучување на студентите во теми што го обликуваат современото општество, при што конференцијата претставува платформа за размена на идеи, искуства и визии за иднината.
