Христијан Мицкоски нема никакви релации со Трамп, а неговите луѓе ги брка по ходници да се слика со нив, кажа аналитичарот Сашо Ордановски во Само вистина.
„Мицкоски до сега нема никакви битни релации, го има Гренел, тоа му е највисокот ниво и овој со кој видовме фотографии од ходник, односно заменик помошник државен секретар за Балкан, Касанов со кого шетаа по ходник. Добро, Мицкоски ќе се врати ќе објасни што направил таму и јас се надевам дај боже тој да имал и некакви сериозни разговори“ рече тој.
Ордановски смета дека наместо на САД премиерот и неговиот тим треба да се фокусираат на посети на европски престолнини и средби со европски државници.
„Мицкоски треба да е растрчан низ Европа во овој критичен момент. Убаво е што отишол во САД, но нашата перспектива е во ЕУ. Тој треба да оди таму каде што ќе го примат, него и неговите министри. И Мицкоски треба да бара не средба со Касанов, туку со негови еквиваленти во западните европски држави. Сега тој и неговите министри треба да се растрчани низ Европа и да видиме што е планот и каде сме ние во приказната“ рече Ордановски
