Колку пати во животот сте слушнале од повозрасен човек дека за главоболка или забоболка треба да ставите облоги од ракија? Народната медицина често ги користи овие методи, но лекарите предупредуваат дека нивната употреба треба да биде внимателна и правилна.
Докторите објаснуваат дека алкохолните облоги можат да помогнат во различни состојби, меѓу кои се: болки во грлото и кашлица, студ и хипотермија (ако нема температура), инфекции на увото (без гној), болки во зглобовите, модринки, исчашувања, намалување на оток по инјекции, воспаление на нервите и болки во грбот.
Сепак, тие потенцираат дека облозите не треба да се ставаат од чиста ракија директно на кожата. Кожата треба да се заштити со маст или слична основа, а ракијата да се разреди. Неправилната примена може да предизвика иритација или дополнителни проблеми.
Исто така, постојат ситуации кога алкохолните облоги се контраиндицирани:
- кај лица со температура
- прогресивни заболувања на кожата
- гнојни воспаленија
Воопшто не се препорачуваат:
- за време на бременост и доење
- кај деца под 7 години
- кај лица со висок крвен притисок, заболувања на срцето, епилепсија, бубрези или црн дроб
- кај лица со бенигни или малигни тумори, алкохолизам, алергии или нетолеранција на алкохол
Пред да користите облоги или масажа со алкохол, секогаш консултирајте се со лекар. Правилната употреба може да донесе олеснување, но непредвидливите ризици можат да бидат сериозни.
