Неименуван ирански функционер денеска изјави дека околу 2.000 луѓе загинале во протестите во Иран.
Тој го кажа ова за Ројтерс и додаде дека „терористите“ се виновни за смртта на цивилите и припадниците на безбедносните сили.
Иранските власти претходно ги обвинија САД и Израел за организирање масовни протести во земјата кои траат од 28 декември минатата година.
Протестите, првично предизвикани од тешката економска состојба и девалвацијата на националната валута, наскоро добија политичка димензија.
Според вестите на „Активисти за човекови права“ со седиште во САД, за време на двонеделните протести приведени се повеќе од 10.700 лица, додека вкупно 646 лица загинаа, вклучувајќи 512 демонстранти и 134 припадници на безбедносните сили, пренесува Ројтерс.
Поради прекинот на интернетот, независна проценка на обемот на протестите и бројот на жртви од странство е тешка, а иранските власти не објавија официјален број на жртви, наведува британската агенција.
