Најзагрозени од поплавите се јужните и источните делови на Германија, каде што количината на врнежи и истекување може да достигне и до 80 литри на квадратен метар. Неколку потоци и реки веќе се излеаја од своите корита, а експертите предупредуваат дека во наредните денови постои сериозен ризик од поплавување на патишта, подвозници и обработливи површини.
Метеоролозите посочуваат дека кон крајот на минатата недела во одредени региони наврнале значителни количества снег, кој сега забрзано се топи поради повисоките температури. Во меѓувреме, нов циклонски систем од запад носи дополнителни врнежи.
Особено обилни дождови се очекуваат во подножјето на Алпите, што дополнително ќе го интензивира топењето на снежната покривка. Збиениот и стар снег содржи големи резерви вода, поради што се стравува од нагло зголемување на водостојот.
Најголем ризик од поплави постои во подножјето на Алпите, источна Баварија и Франконија, делови од Баден-Виртемберг, граничниот појас меѓу Хесен, Рајнска област-Пфалц и Северна Рајна-Вестфалија, како и во одделни подрачја на Саксонија и Тирингија.
