Станува збор за Самир Мане, чие богатство се проценува, според списанието, на 1,4 милијарди долари. Неговото име првпат се појавува на листата на светски богаташи.
„Албанија го има својот прв милијардер оваа година – Самир Мане, кој има изградено богатство од 1,4 милијарди долари од инвестиции во трговски центри, продавници за електроника и луксузни недвижности низ целиот Балкан”.
Тој се наоѓа на 2,356-то место на листата на која се наведени 3028 личности од целиот свет, објавија медиумите. Самир Мане е основач и претседател на „BALFIN Group“, инвестициски конгломерат со седиште во Тирана, Албанија.
БАЛФИН е сопственик на трговски центри и продавници за електроника и играчки во Западен Балкан, како и на банка и луксузни недвижнини во Албанија. Мане (58) побегнал од албанскиот комунистички режим во 1991 година и емигрирал во Австрија како бегалец; во 1993 година почнал да продава апарати за домаќинство во својата родна земја.
Тој го започна „Нептун“, ланец на продавници за електроника, во Албанија во 1998 година и се врати во Албанија во 2005 година за да го отвори првиот трговски центар во државата.
„БАЛФИН“ исто така поседува недвижен имот во САД, Канада и Австрија, како и логистички паркови и приватен универзитет во Албанија.
САД, со рекордни 902 милијардери, сѐ уште имаат повеќе милијардери од која било друга земја на планетата. Кина со 516 (вклучувајќи го и Хонг Конг) останува на второто место, додека Индија со 205 милијардери и понатаму е на третата позиција. Повеќе од 50% од сите милијардери се државјани на една од овие три земји, но вкупно 76 нации и две полуавтономни територии имаат барем еден милијардер.
