На 20 и 21 септември ќе се одржи „ВМ Класик рели – Запад“, рели со историски возила организирано од Олдтајмер клубот ВМ Класик. Настанот е дел од шампионатот во рели со историски возила при Националната федерација за историски возила.
Стартот на релито ќе биде од центарот на Скопје, по што ќе следуваат:
Прва и втора етапа со завршници во Фалише и Маврово,
Трета етапа и цел на натпреварувачкиот дел е во Вевчани, каде што ќе се одржи и изложба на историски возила.
Во текот на релито ќе бидат посетени и Струга, Охрид и Тетовско Фалише, каде исто така ќе има изложба на историски возила.
Настанот претставува рели со регуларност, познато и како рели Време-Брзина-Растојание (TSD) – форма на мотоспорт каде што целта на учесниците е да одржат зададена просечна брзина по трасата, наместо да постигнат најбрзо вкупно време.
Релито ќе се одвива во целосна согласност со Законот за безбедност на сообраќајот на патиштата.
