Екипата на 24инфо во моментов на терен го затече градоначалникот на општина Аеродром, Дејан Митевски, кој ја оцени состојбата во општината како сериозна по силниот ветер што попладнево го зафати Скопје.
„Моментално сме на терен, ситуацијата во Аеродром е сериозна – на неколку локации има паднати дрвја, со што е попречен и сообраќајот, а оштетени се и неколку возила. Се обидувам да остварам контакт со ЈП ‘Паркови и зеленило’, кое е под надлежност на Град Скопје, но засега безуспешно. Затоа нашите екипи од општината се подготвуваат да излезат на терен со цел да ги отстранат паднатите дрвја,“ изјави градоначалникот Митевски.
Од општината информираат дека веднаш ќе се преземат мерки за расчистување со цел нормализирање на состојбата и безбедно одвивање на сообраќајот.
