Во изминативе три дена, Општина Аеродром собра 24 тони комунален отпад, односно над 170 м³, од домаќинствата – работа која, како што истакнува градоначалникот Дејан Митески, не ја изврши градското комунално претпријатие.
„Ова беше можно само благодарение на ангажманот и трудот на работниците на ЈП за комунални дејности на Општина Аеродром“, нагласува Митески.
Сепак, поради вонредната ситуација, дел од редовните активности како чистење на плочници и тротоари, косење и уредување на зеленилото, празнење на кантите за џебен отпад, собирање на лисја и гранки, па дури и собирање на кабаст отпад, можеби биле запоставени.
Градоначалникот се извини на жителите за непријатностите и побара разбирање за состојбата. Дополнително, против одговорните за оваа ситуација поднесени се кривични пријави до МВР и Основното јавно обвинителство за загрозување на животната средина.
„Ова не е само прашање на отпад – ова е прашање на достоинство, здравје и иднина“, потенцира Митески.
