Фашираното месо, кое секојдневно завршува на нашите трпези, не секогаш е свежо како што изгледа. Месар со 15-годишно искуство изнесе вознемирувачки детали за тоа што сè може да се најде во ваквото месо што се продава во маркетите и месарниците.
„Фаширано месо – ВНИМАНИЕ! Дел од месото кое го јадеме по квалитет е рамно со леш од животно кое стоело со денови на пат. Јас сум знаел да направам мелено месо кое изгледа совршено свежо – од месо старо и до еден месец“, вели тој.
Според неговото сведоштво, со едноставни додатоци како ладна вода, сол, шеќер и винобран, старото месо може да изгледа како штотуку сомелено.
„Солта и водата ја вадат смрдеата, шеќерот ја враќа бојата, а винобранот дава свеж изглед“, објаснува месарот.
Тој предупредува дека постојат неколку јасни знаци по кои граѓаните можат да препознаат „освежено“ месо:
- ако е премногу ситно сомелено,
- ако е румено однадвор, а темно одвнатре,
- ако прави пена додека се динста.
„Вистински свежото месо нема потреба од маскирање. Купувачите мора да бидат внимателни и да бираат каде ќе купуваат“, апелира месарот.
