Српското Министерство за внатрешни работи вечерва соопшти дека М.М. (1983), обвинет за кривично дело кражба, по враќањето од судот кој му определил притвор, на пат кон затворот се обесил во полициското комбе, објавија српските медиуми.
Обвинетиот бил задржан со лисици, бидејќи по одлуката на судот се обидел да побегне, но пристигнале полициски службеници и го сместиле во полициско комбе.
За инцидентот се известени Основното јавно обвинителство и Вишото јавно обвинителство Ваљево, а сите околности на овој случај ќе бидат испитани со надлежното обвинителство и службите на Министерството за внатрешни работи, се додава во соопштението.
