Вчера во 17.15 часот во Радовиш полициски службеници од СВР Струмица-ОВР Радовиш го лишиле од слобода У.Б.(50) од Радовиш. Тој, истиот ден околу 15.40 часот во неговиот семеен дом физички ги нападнал неговата невенчана сопруга и нивниот малолетен син, при што им нанел телесни повреди, констатирани од лекар од Здравен дом Радовиш.
Како што соопштија од полицијата, лицето било задржано во Полициската станица Радовиш, а за настанот бил запознаен Јавен обвинител од Основното јавно обвинителство Радовиш.
По документирање на случајот против У.Б. ќе биде поднесена соодветна пријава.
