Со тага ја информираме јавноста дека утрово, на 61-годишна возраст, ненадејно почина Јованчо Пилешков – истакнат спортски работник и долгогодишен дел од македонскиот фудбал.
Пилешков беше фудбалски судија, делегат, секретар на ФК Кожуф од Гевгелија и активен учесник во бројни фудбалски структури низ годините. Неговиот професионален ангажман го одбележа со посветеност, искуство и интегритет.
Како одличен познавач на домашниот фудбал, Пилешков остави длабока и трајна трага, препознатлив по неговата љубов кон спортот и искрена посветеност кон развојот на фудбалот во Македонија.
Македонскиот фудбал загуби човек со големо срце и душа, а спортската заедница – пријател и професионалец кој остави силен белег.
Јованчо Пилешков беше татко на актуелниот фудбалски судија Димитар Пилешков.
Искрените сочувства до семејството, пријателите и сите што го познаваа.
