Македонската фудбалска репрезентација одигра 1-1 против Велс на Националната арена „Тодор Проески“ во рамките на 2. коло од квалификациите за Светското првенство 2026 година. Нашиот тим беше на чекор до победа, но гостите израмнија буквално во последните секунди од мечот.
Претпазлив почеток и офанзивен финиш
Во првото полувреме Македонија играше дефанзивно, што му овозможи на Велс да доминира во поседот на топката. Гостите имаа неколку обиди, но нашиот голман Столе Димитриевски беше сигурен. Во вториот дел, селекторот Благоја Милевски ги внесе Дарко Чурлинов и Јани Атанасов, што донесе свежина и повеќе офанзивна игра.
Велшаните беа блиску до погодок, но Висар Муслиу ја спаси топката од гол-линијата. Македонија ја создаде првата сериозна шанса преку Чурлинов, а потоа и Алиоски биеше крај голот.
Драматичен финиш – од еуфорија до разочарување
Во 91-та минута, Џо Ален направи катастрофална грешка, а Бојан Миовски ја искористи и ја смести топката во мрежата за водство од 1-0. Македонија беше на чекор до триумф, но во 95-та минута следуваше панична реакција во нашата одбрана. Дејвид Брукс ја искористи мешаницата и израмни за конечни 1-1, откако топката му мина низ нозете на Бојан Димоски на самата гол-линија.
Ситуацијата во групата и следниот предизвик
Со овој резултат, Македонија и Велс имаат по четири бодови и го делат врвот во групата Ј. Казахстан со победата од 2-0 против Лихтенштајн е на третото место со три бода, додека Белгија сè уште нема бодови бидејќи не одигра натпревар во овој квалификациски прозорец. Лихтенштајн останува последен без бодови.
Следниот натпревар Македонија го игра на 6 јуни во Скопје против фаворитот Белгија.
