Лошата комбинација на намирници може сериозно да го наруши варењето и да предизвика гасови, надуеност, болки во стомакот, гадење, замор и проблеми со столицата, предупредуваат нутриционистите.
Мешањето на храна што се вари со различна брзина не е добра идеја, бидејќи полесната храна поминува низ цревата додека потешката сè уште се вари. Овој процес често предизвикува ферментација во желудникот, што води до дигестивни тегоби. Една од најчестите грешки е комбинацијата на краставици и домати – намирници кои заедно го поттикнуваат ослободувањето на киселини и ферментација.
Комбинации кои треба да ги избегнувате:
- Макарони и сирење – скробот и протеините се варат со различна брзина, што го отежнува варењето.
- Омлет со месо и сирење – премногу протеини во еден оброк може да ја преоптоварат дигестивната работа.
- Леб и сок – киселината од сокот го спречува варењето на скробот.
- Зеленчук и сирење – комбинацијата често предизвикува гасови и надуеност.
- Лубеница и диња – најдобро е да се јадат сами, без мешање со друго овошје.
- Банани и млеко – го забавуваат варењето и ја нарушуваат цревната флора. Особено проблематично е додавањето ананас во јогурт, што може да доведе и до труење со храна.
Експертите советуваат да внимавате на овие навидум безбедни комбинации, бидејќи правилната исхрана не зависи само од тоа што јадете, туку и како ги комбинирате намирниците.
