Додека Доналд Трамп се враќа во Белата куќа, неговиот зет Џаред Кушнер се одлучи за прекуокеански бизнис потфат што ќе го носи неговото име: Трамп.
Имено, Афинити Партнерс, инвестициската компанија која Кушнер ја основа по напуштањето на Белата куќа и милијардерот од Обединетите Арапски Емирати Мохамед Алабар ќе градат луксузен хотел и станбен комплекс во српската престолнина Белград, на местото на Министерството за одбрана на поранешна Југославија, пишува Блумберг.
Според американската агенција, Трамп размислувал за сличен план уште во 2016 година пред да се кандидира за претседател на САД.
Според Кушнер, името на хотелот било утврдено кога таткото на неговата сопруга беше избран за претседател во ноември.
