Полициски службеници од дебарското одделение лишиле од слобода жител на село Голем Папрсдник, откако кај него пронашле марихуана.
– Синоќа во 21:30 часот на раскрсницата помеѓу селата Новак и Долгаш, лишен од слобода е Е.Д., на возраст од 38 години од село Голем Папрадник, општина Центар Жупа, кој управувал патничко возило и бил сопрен од полициските службеници. Кај него била пронајдена и одземена марихуана, информираа од Секторот за внатрешни работи – Охрид.
Известен бил јавен обвинител и по целосно документирање на случајот, ќе следува соодветен поднесок.
Полициски службеници од ОВР – Дебар, вчера во 10:10 часот, го привеле К.Х., на возраст од 58 години од Република Албанија, поради илегален премин на државната граница. Против него ќе биде поднесен соодветен поднесок.
