Соопштение, ПП Левица
Откако претседателот на Советот на Град Скопје, Даме Димитровски, ѝ го одзеде правото на збор на советничката од Левица, Милица Давчева, по конкретна точка од дневниот ред, советничката група на Левица реагираше на ова грубо кршење на Деловникот.
Ова е континуирана пракса на ДПМНЕ – режимско замолчување на опозицијата преку кратење на време, недозволување на реплики и контрареплики, игнорирање на процедурални забелешки и директно спречување на советници да земат збор.
Откако сите процедурални механизми беа исцрпени и игнорирани, Левица одговори со 10-минутен молк од говорница – јасна порака дека нема да дозволиме авторитарно водење на Советот.
По ова креативно и принципиелно спротивставување, беа вратени правата кои ионака ни следуваат според Деловникот.
