ЈП “Улици и патишта”- Скопје информира дека нејзини екипи почнуваат со градежните активности од првата фаза за поставување на светлосна сигнализација на крстосницата од улица “Васко Карангелевски” со улица “Ангел Димовски” во населба Аеродром.
„Работните активности се изведуваат по налог на Град Скопје, односно согласно основен сообраќаен проект за воведување на светлосни сигнали на оваа крстосница донесен од Град Скопје и според долго очекуваната согласност од Министерството за внатрешни работи.
Во првата фаза се врши рачен и машински ископ на земјан материјал за поставување на темели за семафорски столбови и ископи за спроведување на семафорската инсталација. По завршувањето на градежните работи, следуваат активностите за монтажа на семафорската опрема и сигнализација.
Со поставувањето на новата семафоризорана крстосница се влијае на проточноста во сообраќајот, а особено на зголемување на безбедноста на граѓаните, учесници во сообраќајот во овој дел од градот“ велат од Јавното претпријатие.
