Денеска, по пријавен настан на Единствениот бројот за итни повици 112, во село Чифлик, Општина Делчево за запалена куќа, ТППЕ Делчево интервенираа со 1 ПП возило, 1 теренско возило и 4 пожарникари. Интервенирано е во период од 05.15 часот до 9.30 часот. Во интервенцијата учествувале и 4 лица од месно население. Други учесници се екипа на Итната медицинска помош (ИМП) до Делчево и 5 полициски службеници од 0ВР Делчево.
Куќата била целосно изгорена и потоа е најдено целосно изгорено машко тело на лицето (родено 1988 година), кое живеело само и имало здравствени проблеми, а за коешто имаше индиции дека било и останало во куќата.
Денеска (20.01.2025) во 05:22 часот во СВР Штип било пријавено дека во с.Чифлик, делчевско, настанал пожар во куќа, сопственост на Д.Д.(36) – лице со здравствени проблеми, објави и МВР.
Лекар констатирал смрт, а по наредба на јавен обвинител, телото на починатиот било предадено на обдукција.
Извршен бил увид од увидна екипа на ОВР Делчево и се преземаат мерки за расчистување на случајот.
Инаку, за сега, причината за пожарот е непозната и најверојатно ќе се дознае од понатамошната истрага.
