Чоколадните велигденски јајца ги сакаат и младите и старите, а се омилен десерт за време на велигденските празници. Можете да ги купите готови во продавниците, или да ги направите сами.
Во Соединетите Држави, чоколадните јајца полнети со путер од кикирики се популарни и се јадат за време на Велигден.
Ви пренесуваме рецепт за токму такви чоколадни јајца. Состојките се блендираат и се ладат, а потоа од смесата се формираат топчиња во облик на јајца. Велигденските јајца потоа се валкаат во растопено чоколадо, се ладат и се сервираат. Едноставно, нели?
Состојки: 340 г темно чоколадо, 300 г шеќер во прав, 250 г путер од кикирики, 85 г омекнат путер, 1 лажичка екстракт од ванила, 1 лажичка растително масло и сол по желба.
Подготовка: Покријте го плехот со хартија за печење и оставете го на страна.
Со миксер измешајте ги омекнатиот путер, путерот од кикирики и шеќерот во прав. Мешајте додека не се соединат состојките. Додадете го екстрактот од ванила и малку сол и продолжете со мешањето.
Добиената смеса формирајте ја во топчиња во облик на јајце – за едно топче користете приближно 30 грама смеса. Ставете ги на хартија за печење. Доколку забележите дека смесата е мека и премногу леплива за вашите прсти, ставете ја во замрзнувач 15 минути, а потоа продолжете со обликување на слатките велигденски јајца.
Обликуваните јајца ставете ги во замрзнувач околу еден час да се стегнат.
Направете ја глазурата: измешајте сечкана чоколада или чоколадни парчиња со масло и растопете ја на пареа или во микробранова печка. Изладените јајца потопете ги во растопеното чоколадо. Повторете ја постапката додека не ги потрошите сите состојки. Работете брзо за да не почне да се топи смесата со топчиња и да не направите неред.
Чоколадните јајца вратете ги во замрзнувач да се стегнат, па послужете ги. Уживајте во вашиот оброк!
