Постојат луѓе кои ќе го чујат туѓото мислење, но ќе го сфатат повеќе како информација отколку како насока. За нив, личното искуство има предност пред советите и предупредувањата од околината.
Овој став често се опишува како своеглавост, особина што може да биде и сила и слабост. Според астролошките толкувања, некои хороскопски знаци почесто веруваат дека самите најдобро знаат што треба да направат.
Овен
Овните се познати по импулсивноста и желбата да реагираат веднаш. Советите на другите често ги доживуваат како кочница или мешање во нивните планови. Иако ќе ги ислушаат, ретко ја менуваат веќе донесената одлука. Нивната своеглавост произлегува од силна доверба во сопствениот инстинкт. Овните веруваат дека најдобро се учи преку лично искуство, дури и кога тоа значи повторување на истите грешки.
Лав
Лавовите сакаат да водат, а не да следат. Тешко прифаќаат совети затоа што често ги доживуваат како критика или сомнеж во нивните способности. Самодовербата ги уверува дека знаат што прават, без разлика на мислењето на другите. Иако можат да ја ценат добрата намера, ретко ќе дозволат некој друг да одлучува наместо нив. На крајот, секогаш ги следат сопствените чувства и визија.
Бик
Биковите се исклучително тврдоглави и не сакаат промени, особено кога доаѓаат однадвор. Кога еднаш ќе донесат одлука, тешко ги убедувате да размислат за поинаков пристап. Нивната своеглавост не е нагла, туку тивка и постојана. Биковите мирно, но упорно остануваат на своето, дури и кога околината нуди алтернативи.
Шкорпија
Шкорпиите повеќе ѝ веруваат на сопствената проценка отколку на туѓата. Совети ретко бараат, а уште поретко следат. Сметаат дека другите не ја гледаат целата слика или скриените мотиви. Оваа своеглавост произлегува од силна потреба за контрола. Шкорпиите сакаат чувството дека самите се одговорни за своите одлуки, без надворешно влијание.
