Денеска Аеродром беше обоен во сино-бела магија! Голем број навивачи, семејства и љубители на кошарката се собраа заедно со кошаркарите на МЗТ Скопје Аеродром во вистинска спортска прослава.
Шампионите им возвратија на своите најверни навивачи со потписи, фотографии и дружење – создавајќи моменти за паметење со сите, од најмладите фанови до најгласните од „копот“.
Специјални гости на вечерта беа и трите пехари од сезоната – Суперкупот, Купот и шампионскиот трофеј од Првата лига – гордо изложени и достапни за фотографирање.
Ова дружење уште еднаш покажа дека МЗТ не е само клуб – туку големо спортско семејство. Благодарност до сите што беа дел од овој незаборавен ден!
