На прес конференција на албанскиот премиер Еди Рама, дојде до расправија со една од новинарките. Од тема на јавен интерес прераснало во расправија. По прекинот на прес-конференцијата, премиерот наводно ја информирал новинарката Амброзија Мета дека повеќе нема да може да присуствува на неговите идни прес-конференции.
За време на истиот настан, новинарот Иса Мизирај, претседател на Здружението на новинари на Албанија, исто така бил замолен да ја напушти прес-конференцијата по вербална размена.
Мрежата „SafeJournalists“ изрази загриженост поради инцидентот и потсети дека остри дебати меѓу новинарите и јавните функционери се нормален дел од демократската контрола.
Според нив, повторените ситуации во кои новинари се исклучуваат од прес-конференции или се стигматизираат критички медиуми можат да создадат преседан што го поткопува еднаквиот пристап до информации од јавен интерес.
Во соопштението се посочува и на реториката користена за време на прес-конференцијата кон одредени медиуми.
