Иако повеќето луѓе ја сметаат за овошје кое освежува во летните жеги, дињата всушност е зеленчук и припаѓа на семејството на краставици. Таа е вистински сојузник за здравјето и виталноста, а може да се консумира без страв и од оние кои внимаваат на линијата, бидејќи во 100 грама содржи само 34 калории и релативно малку шеќери.
Богата е со минерали и витамини – калиум, витамин А, витамин Ц, калциум, магнезиум, фосфор и биотин, што ја прави исклучително корисна за организмот.
Лековити својства на дињата
Експертите нагласуваат дека бета каротенот од дињата може да помогне во превенција од одредени видови рак, како што се ракот на белите дробови, грлото на матката, желудникот и оралните форми. Растителните влакна, пак, го поттикнуваат чистењето на организмот од токсини и се препорачуваат против надуеност и дигестивни проблеми.
Јакнење на имунитетот
Фитонутриентите и антиинфламаторните состојки ја зголемуваат отпорноста на телото, додека витаминот А го поттикнува создавањето на бели крвни зрнца – клучни во борбата со инфекции.
Придобивки за кожата и косата
Редовната консумација на диња придонесува за здрава и сјајна кожа, како и за зајакната коса. Витаминот А е важен за создавање на себум кој ја одржува хидратацијата, а витаминот Ц е неопходен за производство на колаген, што ја спречува појавата на брчки и предвремено стареење. Покрај тоа, дињата може да се користи и како природна маска за лице и коса.
Регулација на крвниот притисок
Калиумот во дињата игра клучна улога во одржувањето на нормален крвен притисок, бидејќи му помага на телото да исфрли вишок натриум. Овој минерал е важен и за здравјето на срцето, мускулите и коските, а редовното внесување може да го намали ризикот од срцев удар и формирање на камења во бубрезите.
Со својот богат состав и бројните здравствени придобивки, дињата не е само летно задоволство, туку и вистински природен лек кој треба редовно да се вклучува во исхраната.
