Во авионот кој се запали во денеска во близина на казахстанскиот град Актау според досегашните информации две од преживеаните лица се деца, соопштија казахстанските власти, додавајќи дека сите се пренесени во блиската болница.
Министерството за вонредни ситуации на Казахстан соопшти дека неговите тимови го пронашле авионот во пламен по пристигнувањето на местото на настанот, а спасувачките единици го гаснеле пожарот по пристигнувањето.
Една жена која се приклучи на спасувачките напори изјави за казахстанскиот сервис на Радио Слободна Европа дека била сведок на разорна сцена која ја донела до солзи.
„Предниот дел од авионот беше во пламен. Ги спасивме преживеаните. Нивните тела беа облеани во крв. Тие плачеа. Сите бараа помош“, рече Елмира.
Елмира рече дека меѓу преживеаните имало луѓе од сите возрасти, вклучувајќи мажи, жени, тинејџери и мало дете.
„Излезе едно мало девојче. Таа ме погледна и рече: „Спаси ја мајка ми, мајка ми е сѐ уште таму. Таа плачеше и молеше: „Те молам спаси ја, спаси ја“, рече таа.
Елмира рече дека патувала со автобус до местото на несреќата и дека таа и други волонтери ги воделе преживеаните до автобусот за да „спречат луѓето да смрзнуваат“.
„Надвор беше студено. Никој од нив немаше јакни, само лесни џемпери. Ги задржавме во автобус додека не дојде брзата помош“, рече таа.
