Во Србија исчезна 12 годишно момче по име Илија Матиќ. Татко му за српските медиуми истакнал дека момчето исчезнало синоќа и дека го барале во текот на ноќта во Земун поле.
„Не сум го видел од прексиноќа. Вчера наутро го видела неговата сопруга, го спремила и го испратила на училиште. После тоа повеќе не се јави“ – рекол загрижениот татко.
Тој потврди дека Илија и претходно бегал од дома, но дека овојпат не е сигурен дека е така.
„Веќе не сум сигурен што да мислам“ – рече тој.
Како што неофицијално било потврдено, момчето синоќа било пријавено за исчезнато, полицијата е на терен и го бара цела ноќ, но од него се уште нема ни трага ни глас.
Момчето е слабо, има кратка кафена коса и кафени очи и е ученик во шесто одделение во основно училиште.
Илија синоќа носел сиви патики „Најк“ со црвено лого, црна и тегет тренерка, јакна со зелени флуоресцентни точки и сив ранец, вели таткото на момчето.
Мештаните се организираа и беа на улица во потрага по него. Меѓу нив имало и други ученици од училиштето во кое оди Илија, нивни родители и наставници, како и соседи.
Момчето наводно било видено синоќа околу 21 часот и 30 минути на „нивот“ во Земун поле, со постари момчиња. Како што велат мештаните, ова „не е прв пат момчето да бега од дома“.
