Метео анализа на Славчо Попоски:
Денес (сабота 15 март) го очекувам максимумот на овој топол бран кој продира од југ во нашата Република Македонија, и истиот ќе донесе многу високи температури на воздухот, невообичаени за овој период од годината, проследени со повремено силен ветер од јужен и од југозападен правец (повремено и локално со брзина до околу 80 км/час).
Температурите насекаде ќе надминуваат 20 степени, а на многу места тие ќе се искачат до околу, па и над 25 степени, а во Повардарието, секако вклучувајќи го и Скопскиот регион тие ќе се искачат дури до околу 30 степени. И во Скопскиот регион повремено ќе дува засилен ветер од јужен и од југоисточен правец.
Инаку, времето ќе биде променливо облачно со сончеви периоди, додека попладне во западните планински предели ќе има услови за појава на локален краткотраен но пороен дожд, проследен со ретки грмежи.
