Честото будење во текот на ноќта, особено меѓу 2 и 3 часот наутро, може да биде знак за сериозни здравствени проблеми, предупредува д-р Ерик Берг од САД.
– „Јас би се сметал себеси за експерт за несоница, бидејќи ја имав повеќе од 10 години и ми го уништуваше животот,“ вели докторот, додавајќи дека причината често е поврзана со хормонот кортизол.
Кортизолот, познат како хормон на стрес, нормално го достигнува најниското ниво околу 2 часот по полноќ. Но, ако наместо тоа се зголемува, може да предизвика ноќни будења и нарушувања на спиењето.
Берг предупредува дека и некои лекови за несоница можат дополнително да го покачат кортизолот, што ја влошува состојбата. Како можно решение, тој го посочува магнезиумот, кој може да помогне во намалување на кортизолот и во подобрување на квалитетот на спиењето.
Недостатокот на магнезиум не само што го зголемува нивото на кортизол, туку и влијае на мускулната релаксација и го прави телото поранливо на стрес. Истражувањата покажуваат дека лошиот сон е поврзан со зголемен ризик од срцеви заболувања, дијабетес и деменција – состојби што магнезиумот може да помогне да се ублажат.
Овој витален минерал е клучен за метаболизмот, енергијата, мускулната функција и искористувањето на протеините. Затоа, лекарите советуваат – ако често се будите во 2 или 3 часот наутро, проверете го вашето здравје и нивото на магнезиум во телото.
