Блејк Лајвли го обвини нејзиниот колега од „It Ends with Us“, 40-годишниот актер Џастин Балдони за сексуално вознемирување.
Во тужбата, до која дојде ТМЗ, 37-годишната актерка рече дека однесувањето на Балдони и предизвикало „сериозна емоционална вознемиреност“. Во тужбата се наведува дека е одржан состанок за да се разгледаат тврдењата на Лајвли и нејзините барања да работи на филмот. Многу луѓе беа присутни, вклучувајќи го и сопругот на Лајвли, Рајан Рејнолдс.
Според тужбата цитирана од ТМЗ, некои од барањата вклучуваат „да престане да прикажува експлицитни видеа или фотографии пред актерката, да престане да ја спомнува наводната „зависност од порнографија“ на Балдони во минатото, да престане да разговара за сексуални работи пред актерката и да престане да додава секс сцени, орален секс или сцени со оргазам пред камера за Блејк Лајвли, освен во рамките на сценариото што го одобрила при потпишувањето на договорот за проектот“.
Според ТМЗ, во тужбата се наведува дека Sony Pictures, дистрибутерот на филмот, ги исполнил барањата на Лајвли.
Потсетуваме дека веќе се зборуваше за тензии и несогласувања меѓу главните актери кои го засенија новиот филм It Ends with Us. Според извори од филмската индустрија, Блејк Лајвли и Џастин Балдони биле во судир. Неодамна за тоа проговорија членовите на филмската екипа кои сакаа да останат анонимни.
