Една кратка, но вистински убава приказна ни доаѓа од Babylon Cafe во Џевахир Мол, Аеродром. Преслаткото кутре по име Макс, кое било напуштено, гладно и изнемоштено, во четвртокот се појавило пред кафулето — а наместо да го игнорираат, тимот на Babylon одлучил да му подаде рака.
Со љубов, грижа и помош од неколку добри луѓе, Макс доби топол оброк, внимание и утрово – ја прими својата прва вакцина.
Најубавиот дел од приказната? Денес Макс замина во својот нов дом.
Во само неколку дена, од напуштен и сам, стана сакан и згрижен.
Babylon Cafe не е само кафич – тоа е заедница. Место каде секое срце наоѓа топлина, дури и оние најмали и најнеми.
