Австриските власти ја идентификуваа 33-годишната Керстин Гуртнер како жената која починала од смрзнување при искачување на Гросглокнер, највисокиот врв во Австрија. Нејзиниот партнер, 39-годишниот Томас Пламбергер, е обвинет за убиство од небрежност, откако ја оставил сама и изнемоштена во екстремни услови со температури до -20°C. Гуртнер, иако љубителка на планини, била неискусна за вакви ноќни искачувања, додека Пламбергер бил искусен алпинист и ја повел на маршрута висока 3.657 метри.
Нивното искачување завршило трагично телото на жената било пронајдено само 45 метри под врвот. Обвинителството во Инсбрук соопшти дека Пламбергер ја оставил „незаштитена, изнемоштена, хипотермична и дезориентирана“, без да побара навремена помош, иако видел полициски хеликоптер во близина.
Помош повикал дури по полноќ, а надзорните камери го снимиле како сам се симнува од планината. Адвокатот на обвинетиот тврди дека станува збор за трагична несреќа. Судењето почнува во февруари, а Пламбергер може да добие до три години затвор доколку биде прогласен за виновен.
