Skip to main content
Македонија

АХВ: Спречен е нелегален транспорт на телиња

18/11/2024  13:45

Од страна на граничната полиција на влез на градот Дебар при редовна контрола на товарно возило од Скопје, утврдено е дека се врши нелегален превоз/транспорт на животни без соодветни документи за движење на животните (искористени сертификати за движење на животните од истото одгледувалиште), со валидни пасоши за животните, објави Агенцијата за храна и ветеринарство.

Од страна на официјалниот ветеринар животните се одземени и предадени се на понатамошно постапување од страна на Агенцијата за одземен имот. Во текот на денешниот ден од страна на официјален ветеринар ќе биде постапено согласно надлежностите од Законот за ветеринарно здравство и Законот за идентификација и регистрација на животните.

Агенцијата за храна и ветеринарство соопшти дека продолжува со бескомпромисната борба против корупцијата и справување со сите незаконски дејствија од минатото.