Автобус на македонска агенција беше каменуван и сериозно оштетен во Грција, а за инцидентот зборуваше директорот на агенцијата, Иван Плавшин, во интервју за „Блиц“. Тој откри детали за моменталната состојба на возилото, материјалната штета и стресот што го доживеале патниците.
„Сега е сосема јасно кој стои зад нападот. Станува збор за малолетници, тинејџери кои веројатно и не биле свесни за сериозноста на своите постапки. Тие сигурно немаа поим какви последици можеше да предизвика нивното однесување,“ изјави Плавшин.
Директорот посочува дека за среќа е избегната поголема трагедија, бидејќи само еден од возачите бил полесно повреден, додека патниците поминале без повреди, но под голем стрес.
„Се слушаше гласно кршење на стаклата, сите беа исплашени, но возачите реагираа смирено. Особено оној зад воланот, бидејќи само неговата трезвеност ги одржа патниците во живот,“ нагласи Плавшин.
Возачот кој бил повреден поминал со зашиена усна и бил пуштен од болница уште истата вечер. Материјалната штета на автобусот е голема, но најважно, како што подвлече Плавшин, е тоа што ниту еден патник не бил повреден.
