Во тековниот период смоквите се на својот врв – сочни, слатки и совршено летно уживање. Овој плод во форма на круша се разликува по бојата на кората, која може да биде жолта, зелена, црвена или сива, а месото е меко и благо, идеално за десерти или ужинка.
Една од најпопуларните сорти е базилика, која се одликува со поголема големина, зелена кора со виолетови ленти и достигнува зрелост во август.
Но, освен за вкусот, сега е идеално време да се консумираат смокви поради нивниот здравствен ефект. Тие се богати со калиум, кој помага во регулирање на крвниот притисок, а истражувањата покажуваат дека редовната консумација на калиум може да придонесе за понизок притисок.
Дополнително, смоквите помагаат и во контролата на телесната тежина. Благодарение на растителните влакна, тие создаваат чувство на ситост подолго време, што ги прави идеална ужинка за сите кои сакаат да го одржат балансот на килограмите без лишување од вкус.
Сезоната на смокви е кратка, па сега е вистинското време да се ужива во нивниот вкус и придобивки за здравјето.
