Агенти на Државната агенција за истрага и заштита на Босна и Херцеговина (СИПА) синоќа се обиделе да го уапсат лидерот на босанските Срби, Милорад Додик, но биле спречени во намерата од припадници на полиција на Република Српска.
Инспекторите на СИПА се обиделе да го приведат Додик додека престојуваше во владината канцеларија на РС во Источно Сараево, но тие се повлекле кога на патот им застанале полицајците задолжени за обезбедување на актуелниот претседател на РС.
Како што може да се види на видеата кои се појавија на социјалните мрежи, немало директен конфликт меѓу припадниците на државната и ентитетската полиција, туку тие само разговарале.
Инспекторите на СИПА биле во вообичаени униформи, додека приодот до зградата каде што бил Додик бил блокиран од тешко вооружени специјалци на МВР на РС.
EKSLUZIVAN SNIMAK IZ ISTOČNOG SARAJEVA!!
— Slobodna Bosna (@SlobodnaBosna) April 23, 2025
Pripadnici SIPE došli do Administrativnog centra Vlade RS gdje se nalazi predsjednik RS-a Milorad Dodik! pic.twitter.com/uPRZ13rsxf
Министерот за внатрешни работи на Федерацијата Босна и Херцеговина, Рамо Исак, потврди дека полицијата на овој ентитет веднаш е ставена во состојба на готовност, а ја критикуваше и СИПА за лошо организираниот обид за апсење.
„Испраќањето на неколку инспектори во административниот центар на владата на РС во Источно Сараево со наредба да се обидат да го приведат Милорад Додик и сето тоа без помош на специјална единица на СИПА навистина фрла сомнеж во способноста на државната агенција да обезбеди доследно почитување на законот на целата нејзина територија или зборува за неможноста на раководниот персонал да ја анализира и планира успешната операција“, рече Исак.
#BREAKING #Bosnia #Serbia JUST IN: Video footage shows a heavy special police presence outside the administrative building of the Republic of Srpska in East Sarajevo, following SIPA's attempt to arrest President Milorad Dodik. https://t.co/hTd0qg74Di pic.twitter.com/nSul5mBbv2
— The National Independent (@NationalIndNews) April 23, 2025
Судот на Босна и Херцеговина распиша потерница по Додик и му одреди притвор бидејќи одби да одговори на поканата за сослушувањето на Обвинителството на Босна и Херцеговина кое против него води истрага поради сомнение дека се обидел да го загрози уставниот поредок на Босна и Херцеговина.
