Вчера во 13.24 часот во СВР Штип било пријавено дека во близина на Виница настанал пожар на сува трева и стрниште, кој се проширил и зафатил дрва и помошен објект – штала, во сопственост на 61-годишниот Т.Н. од Виница.
Од полицијата велат дека пожарот бил изгаснат од екипи на Територијалната противпожарна единица Виница и Доброволно противпожарно друштво, а повредени лица нема. Увид извршила екипа на СВР Штип.
