Трошоците за живот во Европа значително варираат, но изнајмувањето стан е еден од најдобрите показатели за тоа колку е скап еден град. Најновото истражување открива дека Лондон е најскапиот град за изнајмување во Европа, со просечна месечна кирија од 3.220 евра, што е 2,5% повеќе од минатата година.
Според податоците на Euronews и Rightmove, по Лондон следува Амстердам, каде киријата за еднособен наместен стан достигнува 2.275 евра. На листата на најскапи европски градови за изнајмување доминираат холандските градови, со Ротердам, Хаг и Утрехт меѓу првите 10.
Топ 8 најскапи градови за изнајмување во Европа:
1. Лондон – 3.220 евра
2. Амстердам – 2.275 евра
3. Рим – 2.000 евра
4. Париз – 1.862 евра
5. Ротердам – 1.795 евра
6. Ден Хаг – 1.790 евра
7. Минхен – 1.770 евра
8. Утрехт – 1.746 евра
Цените на кириите во овие градови постојано растат, главно поради зголемената побарувачка и недостигот на достапни станови. Овој тренд го прави животот во најголемите европски метрополи сè потежок за младите, студентите и работниците со пониски примања.
