При негување традиција, често забораваме од каде потекнуваат одредени обичаи. Во продолжение прочитајте зошто токму сабота им ја посветуваме на мртвите но и кога во текот на годината се одбележува Задушнца.
Задушница е празник во православната црква посветен на починатите, а секогаш се одбележува во сабота. Причината лежи во тоа што во богослужбите, според црковното правило, сабота е ден за чествување на сите маченици и покојници. Затоа верниците во литургиските песни се молат за спас на душите на најблиските кои повеќе не се меѓу живите.
Интересно е што овој ден се одбележува четири пати годишно. Црковната година започнува на 1 октомври, а веќе во првата половина на тој месец се слават Михолски задушници, именувани по Михолден. Други нè очекуваат првата сабота во ноември, во народот позната како Митровска задушница. Секогаш се пред празникот Св. великомаченик Димитрија. Третите се поврзани со Велигден. Тие се празнуваат во Посниот триод во пресрет на претпоследната подготвителна недела пред Велигденскиот пост, за време на која е дозволено консумирање месо. Последните задушници се секогаш во сабота пред празникот Слегување на Св. Дух на апостолите, или Духовден.
Задушница содржи многу обичаи кои се разликуваат од место до место, но заедничко за сите е тоа што во овие денови се молат на светата литургија за спокој на душите на починатите, пишува Србијаданас.
