Полицијата вчера привела 40-годишен маж од радовишкото село Подареш осомничен дека во четири наврати извршил упад и кражба во неколку викендици и помошен објект во областа на Радовиш.
По апсењето, полицијата по судска наредба извршила претрес на неговиот дом каде биле пронајдени предмети кои потекнуваат од објектите каде што биле извршени кражбите.
Предметите биле одземени и ќе бидат вратени на сопствениците.
Лицето било задржано во полициска станица и по целосно документирање на случајот против него ќе биде поднесена соодветна пријава.
