
Загадувањето на воздухот вечерва се зголеми во скопските населби Карпош и Гази Баба. Според податоците на платформата IQAir во 23 часот, Карпош имаше индекс од 164 според американската скала за квалитет на воздухот (US AQI), што го става во црвената категорија „нездрав“.

Во Гази Баба индексот изнесуваше 142, во портокаловата категорија „нездрав за чувствителните групи“.

Ситните честички ПМ2,5 беа главниот загадувач на двете мерни места. Нивната концентрација во Карпош изнесуваше 73,9 микрограми на кубен метар, а во Гази Баба 52,3 микрограми на кубен метар.

