Седумнаесетгодишна девојка од Гостиварско пријавила дека подолг период била жртва на физичко и психичко насилство и добивала закани од нејзиниот 23-годишен невенчан сопруг, неговата мајка и неговата малолетна сестра, соопшти Министерството за внатрешни работи.
Според МВР, случајот бил пријавен на 6 октомври во Полициското одделение Ростуше. Малолетната девојка, во присуство на родител, пријавила дека во изминатиот период била физички и психички малтретирана и дека добивала закани.
Како осомничени во пријавата се наведени нејзиниот невенчан сопруг И.У. (23), неговата мајка Д.У. (53) и неговата 15-годишна сестра, сите од село во Гостиварско.
Полициски службеници од ПО Ростуше истиот ден ги лишиле од слобода тројцата.
Од МВР информираат дека по целосното расчистување и документирање на случајот ќе биде поднесена соодветна пријава.
