На 20. Европски самит во Салцбург, премиерот Христијан Мицкоски изрази сериозна загриженост за стагнацијата на Македонија на патот кон Европската Унија, поради, како што го опиша, „нерационален и билатерален спор“ со Бугарија. Во своето обраќање, посветено на реформите и интеграцијата во ЕУ, Мицкоски нагласи дека е потребно конструктивно решение, кое ќе биде прифатливо за сите засегнати страни, но без уцени и условувања.
Мицкоски предупреди дека дури и ако се прифатат уставните измени за вклучување на Бугарите, не постојат гаранции дека нема да следат нови барања во иднина. Ова го претставува како потенцијална опасност за долгорочниот процес на интеграција.
„И покрај уставните измени, нема сигурност дека ова ќе биде последниот услов. Ние сме подготвени да најдеме решение преку дијалог, но мора да бидеме заштитени од нови барања што би можеле да се појават,“ рече Мицкоски.
Како едно од можните решенија, премиерот ја предложи примената на формулата од Преспанскиот договор, кој беше прогласен за значаен чекор кон евроинтеграцијата на Македонија. Тој го опиша овој договор како
